452

REGISTRES DU BUREAU

[i556]

DCCCXXXVL — [Reception de Mons" de Montmorency, Gouverneur de Paris.]

24 et 26 septembre i556. (Fol. 2i3 v°.)

Ce faict, mond. s^r le Prevost des Marchans feist faire provision d'une belle chaize couverte de velours cramoisy et frangée d'or de Cippre, pour assoir led. Gouverneur à sa reception.

Fut aussi envoyé querir la coppie de ses Lettres dont la teneur ensuit.

Lettres de Mons' de Montmorency, Gouverneur de Paris.

i 7 août.

HENRY, PAR LA GRACE DE DlEU Roy DE FRANCE,

à tous ceulx qui ces presentes lettres verront : salut.

n Comme depuis quelque temps en ça nostre amé et feal cousin Gaspart de Colligny, s^r de Chastillon, Chevallier de nostre Ordre et Admirai de France, eust esté par nous faict et estably Gouverneur et nostre Lieutenant general en Picardie, ayant auparavant le gouvernement de noz villes de Paris et Ysle de France; auquel gouvernement qui seroit par ce moyen demeuré vaccant, nous aurions dès lors deliberé pourvoir nostre amé et feal cousin et à present Chevalier de nostre Ordre, Francois de Montmorency, filz aisné de nostre trés cher et amé cousin le Duc de Montmorency, Pair et Connestable de France, non seullement pour le respect et consideration de ce que led. Duc de Montmorency, Connestable, son pere, a merité de nous et de la chose publique de nostre Royaulme pour ses longz, conti-nuelz et laborieux services, mais aussi pour la preuve et le tesmoignage certains que led. François de Montmorency a faictz de sa personne etde ses sens, Vertuz, prudence et vaillance dès le commencement qu'il a esté employé en charge honnorable et d'importance pour sa premiere experience au faict des armes où, par le sort de fortune de la guerre, il fut faict prisonnier après avoir combatu avec sa troupe qui fut la plus part deffaicte et luy fort blessé et navré en grand danger de mort; estant depuis demeuré par longue espace de temps en prison fermée avec grande incommodité, peyne et travail et ennuy;

"Au moyen de quoy, considerant que pour avoir essayé telz accidents de fortune, cella luy servira à

l'advenir pour le rendre plus suffisant et cappable à ensuivre et ymiter les vestiges de son pere, et avec l'expérience qu'il a ja acquise et pourra cy après acquerir, employer tout ce qu'il a de bien avec sa propre vie en ce qui touchera noz affaires et service:

"Pour ces causes et autres bonnes et justes considerations à ce nous mouvans, icelluy François de Montmorency avons par ces presentes, faict, ordonné et estably, faisons, ordonnons et establissons Gouverneur et nostre Lieutenant general en nostred. Ville de Paris et pays de l'Isle de France'¹'. Et led. estat, charge et office, ainsi que dict est, vacquant parla provision dud. s' de Chastillon, dernier paisible possesseur d'iceulx, en autre charge et gouvernement, c'est assavoir de Picardie, ne povant tenir les deux, luy avons donné et octroyé, donnons et octroyons par ces presentes, avec telz et semblables povoirs, puissance, auctorité et facultez que avoit et dont joyssoit icelluy s^r de Chastillon en et par toutes les villes, places, lieux et endroictz dud. gouvernement de Paris et Ysle de France, sans que lesd, povoirs, puissance, auctoritez et facultez soit besoing cy par le menu autrement speciflîer ne declairer, et lesquelz nous y tenons pour spécifiiez et declairez pour icelluy estat, charge et office de Gouverneur et nostre Lieutenant general en nozd. ville de Paris et pays de l'Isle deFrance avoir,tenir et doresnavant exercer par icelluy nostred, cousin François de Montmorency aux honneurs, auctoritez prérogatives, prehemynences, franchises, libériez, povoirs, puissance et facultez, gaiges, pensions et droictz acoustumez et qui y appartiennent.

"Si donnons en mandement à noz amez et feaulx les gens de nostre Court de Parlement à Paris, baillifz, prevostz, juges, cappitaines, maires, eschevins, bourgeois, manans et habitans de nostre ville de Paris et autres villes et places dud. pays de l'Isle de France, et à tous autres à qui ce pourra toucher, que led. François de Montmorency, duquel nous avons prins et reçeu le serment en tel cas requis et acoustumé, et icelluy institué en possession et saisine dud. office, ilz facent, seuffrent et laissent

(!) Les détails qu'on vient de lire sur la vie et les campagnes de François de Montmorency sont rapportés d'une manière explicite à leur date respective : voir ci-dessus les articles CCLXXXVII, CCLXXXVIII, CCCXL et les notes y afférentes, principalement la note 5 de la page 168.